Fréttir Fyrsta nóttin erfið 09.01.10, 17:57 Fyrsta nóttin ein með krílinu var erfið. Við sváfum svo lítið sem ekki neitt og þegar okkur tókst að dotta vöknuðum við straks við einhver hljóð í honum. Hann var annars mjög vær um nóttina og svaf þokkalega milli gjafa. En það var töluverður rembingur í kallinum sem hætti ekki fyrr en snemma í morgun þegar við fengum þessa fínu kúkableyju. Í dag erum við svo búin að skiftast á að sofa. Sigrún tók fyrri vaktina þar sem farið var með strákinn í viktun og Einar leyfði Sigrúnu svo að leggja sig seinnipartinn. Strákurinn okkar hefur verið að þyngjast hægt síðustu daga og í morgun var hann aðeins búinn að léttast. Læknarnir vilja ekki sleppa honum heim fyrr en hann hefur sýnt okkur að hann ræður við að drekka það sem hann þarf og þyngist aðeins meira. Hann fæddist 2450 gr og er kominn í rúmlega 2700gr minnir mig. Hann er viktaður daglega og vonandi þyngist hann eitthvað um helgina svo við komumst heim á mánudaginn. En í dag hefur hann verið mjög duglegur að drekka og sofið vært milli gjafa. Það verður svo spennandi að sjá hvernig næsta nótt verður.