Siðaprestarnir

Hér er velt upp spurningunni hvað verði um einstaklinginn og frelsið þegar stórveldi heimsins bítast um völdin og berja stríðsbumbur. Boðskapurinn er sá að þótt allir deiluaðilar telji sig hafa eitthvað til síns máls, þá sé ómálefnaleg orðræða ráðamanna orðin þreytandi og flestir löngu búnir að fá upp í kok. Undir niðri liggur einfalt ákall almennings: Við biðjum aðeins um að vera frjáls. Lagið er hins vegar litað lúmskri kaldhæðni gagnvart þeim sem telja sig stýra för og flettir ofan af „kláru körlunum“ sem reynast í raun mestu friðaspillarnir. Kjarni lagsins dregur fram þá hugmynd að bara það að þora, standa keikur og sýna styrk sinn gagnvart ofureflinu sé sigur út af fyrir sig. Ef allir neita að beygja sig, munu margir litlir og lítillátir sigrar einstaklinganna á endanum skila stórum árangri saman. Í lokin sitja áheyrendur eftir með myndina af siðaprestum samtímans sem varða veginn á meðan allt í kring logar í björtu báli.